D’Faillite vu Cenaro schléit héich Wellen. Dës Woch koum et zu Perquisitiounen. Reporter.lu hat d’Problemer vum Promoteur revéléiert. Wéi geet et fir d’Keefer weider? Wat sinn d’Indizie fir Bedruch? Dorëms geet et an der neister Episod vum Podcast „On the Record“.

De Fall Cenaro ass déi éischt grouss Faillite vun engem Promoteur säit Joerzéngten. Iwwert honnert Famillje waarden op hire Logement. Investisseuren äusseren de Verdacht vun engem Ponzi-Schema. D’Enquête vun der Justiz huet réischt ugefaangen. E Mëttwoch hunn eng véierzeg Ermëttler Perquisitiounen duerchgefouert an et gouf eng Persoun festgeholl.

Plainten, déi Reporter.lu konnt consultéieren, deiten drop hin, datt Sue vun deen enge Projeten an déi aner gefloss sinn. Et ass net kloer, wiem d’Terraine letztendlech gehéieren, erkläert d’REPORTER-Journalistin Véronique Poujol. Et gëtt zwar eng Garantie fir Haiser an Appartementer, déi op Plang kaaft goufen. Mee do ginn et och Hoken, erkläert de Journalist Pit Scholtes vu Reporter.lu am Gespréich mam Laurent Schmit am Podcast „On the Record“.

Déi ganz Episod gëtt et hei ze lauschteren:

„On the Record“ ass de Weekly-Podcast vu Reporter.lu iwwer d’Hannergrënn vun der politescher Aktualitéit. Dir fannt de REPORTER-Podcast och op Spotify, do och als Download fir offline ze lauschteren, bei Apple Podcasts, Google Podcasts an op weidere Plattformen.

Méi zum Thema

Exclusif: Cenaro visé par une enquête pénale - Reporter.lu

La justice s’intéresse au groupe «Cenaro», qui a vendu sur plan des centaines de logements et récolté des centaines de millions d'euros auprès d’investisseurs. Les caisses de Cenaro sont vides et les chantiers sont inachevés. Les investisseurs soupçonnent une fraude. 

Reporter.lu

Der Fall "Cenaro": Ein Immobiliendrama spitzt sich zu - Reporter.lu

Investoren versprach "Cenaro" Traumrenditen, Käufern ihre Traumimmobilie. Doch für viele Betroffene wurde daraus ein Albtraum. Seit Wochen stehen Dutzende Baustellen still, Arbeiter erhalten keinen Lohn und Handwerker sitzen auf unbezahlten Rechnungen.

Reporter.lu

«Groupe Cenaro»: La fin du jackpot sur le logement - Reporter.lu

Le groupe «Cenaro» voulait révolutionner le marché immobilier en le livrant à la finance non régulée et aux investisseurs professionnels. Les années Covid ont compromis ses plans. La société de titrisation a demandé des moratoires sur des dettes. Les investisseurs s’inquiètent.

Reporter.lu