Wéi erwaart huet d’AfD d’Walen a Sachsen-Anhalt däitlech gewonnen. Wéi konnt et dozou kommen? Wat bedeit dat fir Däitschland an doriwwer eraus? An ass esou en Zenario och zu Lëtzebuerg denkbar? Dorëms geet et an der neister Episod vum Podcast „On the Record“.

„Dës Wal ass schonn eng Zäsur an der Geschicht vun der Bundesrepublik Däitschland, wann déi éischte Kéier eng an engem Bundesland als geséchert rietsextreem agestuufte Partei Wale gewënnt“, seet de Pit Scholtes am Podcast „On the Record“. De Journalist vu Reporter.lu konstatéiert mat Bléck op d’Ufäng vun der Partei: „D’AfD gëtt an Ostdäitschland einfach zu groussen Deeler als eben d’Partei fir Ostdäitschland wouergeholl, woumat si mat ganz niddregschwellegen Offeren och hire Walkampf gefouert huet.“ Dat wier awer nëmmen ee Grond fir hiren Opstig.

„E gëtt net deen ee Grond“, seet och de Christoph Bumb. Wesentlech Faktore wieren awer de wirtschaftleche Wandel, d’Sozialpolitik an awer och d’Thema Migratioun. „Och wann et sécherlech Erfollegsgeschichte gëtt bei der Migratioun an Däitschland, goufen et awer och plazeweis Schwieregkeete bei der Integratioun. An et ginn offensichtlech ëmmer méi Leit, an dat kann ee bewäerte, wéi ee wëll, déi dat als Probleem opfaassen“. De Chefredakter vu Reporter.lu gesäit dora virun allem e Versoe vun den etabléierte Parteien, an hir feelend Asiicht, Probleemer unzeerkennen a Responsabilitéit dofir ze assuméieren.

Déi zwee Journaliste blécken och op d’Reaktiounen zu Lëtzebuerg, wou den Diskurs vun de „Parteie vun der Mëtt“ deem an Däitschland änelt, wat fir de Christoph Bumb déi falsch Approche ass: „De Kär vum Probleem ass, datt déi Parteien, déi bis elo d’Regierungspolitik gepräägt hunn, am Fong alles dofir maachen, fir de populisteschen Diskurs, an doriwwer schwätze mer bei Rietsextremiste, méi staark oder virun allem ze einfach maachen“, seet de Chefredakter vu Reporter.lu. „Fir Lëtzebuerg ass et nach net ze spéit, fir esou eng Entwécklung opzehalen. Mee och hei ass ze spieren, datt Politiker am Fong eng aner Sprooch schwätze wéi e groussen Deel vun der Populatioun“, sou de Christoph Bumb.

Déi ganz Episod gëtt et hei ze lauschteren:

„On the Record“ ass de Weekly-Podcast vu Reporter.lu iwwer d’Hannergrënn vun der Aktualitéit zu Lëtzebuerg.

Méi zum Thema

Analyse: Von Brandmauern und offenen Türen - Reporter.lu

Die Debatte über eine „Brandmauer“ gegen Rechtsextremismus ist auch in Luxemburg angekommen. Auch hier tun sich Parteien und Medien schwer im Umgang mit der immer radikaleren ADR. Eine Strategie der Ausgrenzung ist nicht in Sicht - im Gegenteil. Eine Analyse.

Reporter.lu

Analyse: Von Plattitüden, Populismus und politischem Versagen - Reporter.lu

Léon Gloden, Max Hahn und Yuriko Backes polarisieren mit Aussagen zur Asylpolitik. Doch das Vorgehen der Minister entlarvt vor allem das eigene politische Unvermögen. Eine Analyse über eine Regierung, die sich offenbar von der Problemlösung verabschiedet hat.

Reporter.lu

Kommentar: Die ADR und die Verantwortung der Anderen - Reporter.lu

Immer wieder die ADR, und schon wieder Tom Weidig: Das Muster der Debatte über rechte Grenzverschiebungen ist mittlerweile bekannt. Doch dieses Mal stehen weniger die ADR als ihre Kritiker vor einem Scheideweg. Sie bestimmen, wie es jetzt weitergeht. Ein Kommentar.

Reporter.lu