Donald Trump oder Kamala Harris? Wéi ass d’Ausgangslag virun de Presidentschaftswalen an den USA? Wéi stabil ass d’US-Demokratie? A wat kéint d’Resultat fir Europa an déi ganz Welt bedeiten. Dorëms geet et an der neister Episod vum Podcast „On the Record“:

„On the Record“ ass de Weekly-Podcast vu Reporter.lu iwwer d’Hannergrënn vun der Aktualitéit zu Lëtzebuerg.

„Et probéiert een, en normale Walkampf ze portraitéieren, deen net besonnesch normal ass“, seet de Philip Crowther. De Korrespondent vun der „Associated Press“ schwätzt am Podcast „On the Record“ iwwer déi politesch Situatioun virun de Wale vum 5. November. D’Course em d’Wäiss Haus wär sou oppen an de Walkampf sou polariséiert wéi wuel nach ni an den USA.

Den Donald Trump gi mer net lass, den Donald Trump ass eng Realitéit vun der amerikanescher Politik.“Philip Crowther

Deemno ass och eng Victoire vum Donald Trump net onwarscheinlech. De Philip Crowther mécht sech iwwer eng nei Amtszäit vum Republikaner keng Illusiounen. „Den Donald Trump huet déi éischte Kéier gewisen, datt hien op mannst probéiert, dat ze maachen, wat hie versprach huet“, sou de Journalist, deen zu Lëtzebuerg och fir „RTL“ a „Radio 100,7“ bericht. Dee Constat géif notamment fir d’Relatioun mat der NATO, den Ukrain-Krich oder och fir d’Klimapolitik gëllen. „Dat wäert rëm e Schock gi fir eis Europäer.“

Am Gespréich mam Chefredakter vu Reporter.lu, Christoph Bumb, schwätzt de Philip Crowther och iwwer den déifgräifende Wandel vun der politescher Kultur an den USA. Hie gesäit eng gewëss „Normaliséierung vum Trumpismus“, fir déi och d’US-Medien eng Responsabilitéit droe géifen.

De Kär vum Trump sengem Message wär nach ëmmer ee populistesche Vote géint den Establishment. „Dee Vote gëtt et och dës Joer erëm ze gewannen“, sou de Philip Crowther. An awer dierft een net vergiessen, datt den Ex-Präsident nach ëmmer Walen an domat „de ganzen demokratesche System a Fro stellt“.

Et ass en immens schwéiere Walkampf fir d’Kamala Harris, well si probéiert eppes ze maachen, wat bal onméiglech ass.“Philip Crowther

D’Kandidatin vun den Demokraten, Kamala Harris, géif natierlech probéieren, ëmmer erëm un d’Gefor ze erënneren, déi den Donald Trump fir d’US-Demokratie bedeit. An hir Nominatioun hätt och direkt ee gewëssen „Enthusiasmus“ an hirer Partei ausgeléist. Mee op dat eleng duer geet, ass fir de Philip Crowther alles anescht wéi sécher.

„Et ass en immens schwéiere Walkampf fir d’Kamala Harris, well si probéiert eppes ze maachen, wat bal onméiglech ass“, sou de Journalist. An zwar: D’Kandidatin vum Renouveau ze sinn, obwuel si 4 Joer un der Säit vum Joe Biden un der Muecht war. D’Fro wär um Enn och, ob d’Amerikaner des Kéier dann enfin bereet sinn, fir d’éischt Kéier eng Fra zu hirer Präsidentin ze wielen, sou de Philip Crowther nach. Virum Hannergrond vun dësem spezielle Walkampf wär dat allerdéngs absolut onkloer.

Mehr zum Thema

Außenpolitik der USA: Die überforderte Supermacht - Reporter.lu

Die USA könnten in Kriege im Nahen Osten, in der Ukraine und in Taiwan verwickelt werden. Die Regierung von Joe Biden versucht, die aufflammenden Konflikte einzudämmen. Doch der Umgang damit macht auch die strategische Überforderung der Supermacht überdeutlich.

Reporter.lu

Présidentielle américaine: Joe Biden, le combat de trop - Reporter.lu

Le président américain, fragilisé par un état physique déclinant, a annoncé qu’il renonçait à briguer l’investiture du parti démocrate. Ce retrait ouvre une période d’incertitude pour son camp, à un mois de la convention, qui devra confirmer un autre candidat.

Reporter.lu

Strategie der NATO: Neue Pläne zur Verteidigung Europas - Reporter.lu

Abschreckung, Aufrüstung und Bündelung der Kräfte: Die NATO entwirft Pläne, wie sie im Zuge der russischen Bedrohung den europäischen Kontinent sicherer machen will. Die neue Strategie dürfte diese Woche auf einem entscheidenden Gipfeltreffen verabschiedet werden.

Reporter.lu

Von Trump zu Biden: Was für Luxemburg auf dem Spiel steht - Reporter.lu

Donald Trump wollte, dass US-Konzerne mehr im eigenen Land investieren, statt Gewinne ins Ausland zu verlagern. Joe Biden verfolgt ein ähnliches Ziel, plant aber eine Steuererhöhung für Unternehmen. Für Luxemburg als Standort zahlreicher US-Firmen könnte dies spürbare Folgen haben.

Reporter.lu

REPORTER Podcast: "Die Wahrheit wird zum politischen Streitpunkt"

Das Coronavirus hat zu einer Pandemie an Verschwörungstheorien geführt. Was Wahrheit ist, wird zunehmend zum Spielball von politischen Standpunkten und Machtinteressen. Was diese Theorien in der aktuellen Krise so attraktiv macht, erklärt der Literaturwissenschaftler Oliver Kohns im Interview.

Reporter.lu