Säit ronn sechs Méint schafft eng Spezialkommissioun vun der Chamber d’Caritas-Affär op. Wat huet si bis elo erausfonnt? Wat war d’Roll vun den eenzelnen Acteuren? An erfëllt d’Kommissioun hir Aufgab? Dorëms geet et an der neister Episod vum Podcast „On the Record“.

„Fir mech ass kloer, datt d’Regierung am Juli Aktionismus bedriwwen huet, am August am Fong näischt gemaach huet an am September virun de Schierbele vun där Net-Reaktioun bzw. vun hirem Handele stoung.“ Dat seet de Laurent Schmit am Podcast „On the Record“ iwwer d’Virgoe vu Luc Frieden, Xavier Bettel a Co. an der Caritas-Affär. Säit méi wéi sechs Méint ass jo eng Spezialkommissioun vun der Chamber mam Opschaffe vum Finanzskandal beschäftegt. An och wann dat net explizit de Mandat vun der Kommissioun ass, ass zwangsleefeg d’Handele vun der Regierung een Thema.

„Krisemanagement ass per Definitioun chaotesch, mee ech mengen, datt een dat hei méi geuerdent a ëmsiichteg hätt kéinte maachen, amplaz sech als Krisemanager an d’Vitrinn ze stellen an déi Roll dann awer duerno guer net méi wouer ze huelen“, sou de Journalist vu Reporter.lu. Well de Lead hätten aner Acteure wéi d’Berodungsfirma PwC gehat, woubäi awer nach ëmmer kloer wier, wien hei wéi en Agenda hat a wie fir wie geschafft hätt. „Déi Fro, déi fir mech am Raum steet ass, wie war dann de Client vu PwC? A wiem sengem Interêt hunn si geschafft? Vum Bistum? Vun der Caritas? Vun der Regierung? Kee weess et“, sou de Laurent Schmit.

Wat awer kloer schéngt, wier, datt d’Membere vun der Verwaltungsréit vun den zwou betraffenen Caritas-Entitéite méintelaang guer näischt matkritt hätten an datt d’Direktioun mam Finanzmanagement iwwerfuerdert gewiescht wier, seet de Journalist. D’Fro vun der Responsabilitéit vun de Banke géing par contre weider spannend bleiwen, virun allem, wat d’Analyse vun der CSSF wäert erginn an op de Parquet dann iwwerhaapt nach op deem Volet enquêtéiert, sou de Laurent Schmit.

Déi ganz Episod gëtt et hei ze lauschteren:

„On the Record“ ass de Weekly-Podcast vu Reporter.lu iwwer d’Hannergrënn vun der Aktualitéit zu Lëtzebuerg.

Méi zum Thema

Kommentar: Wenn Aufklärung zur Farce wird - Reporter.lu

Ein Sonderausschuss des Parlaments soll den Caritas-Skandal aufarbeiten. Die Politik weckt damit hohe Erwartungen. Doch ihr Wille zur Aufklärung hält sich stark in Grenzen. Dabei steht mehr auf dem Spiel als nur die Untersuchung dieser Affäre. Ein Kommentar.

Reporter.lu

Affaire Caritas: La directrice, sa voyante et la piste bulgare - Reporter.lu

Les enquêteurs sont sur la piste d'un réseau bulgare à l'origine du détournement à la Caritas. Selon les informations de Reporter.lu, cette bande aurait piégé la directrice financière avec la complicité d'une voyante. Néanmoins, des zones grises persistent.

Reporter.lu

Analyse: Ein Lehrstück in selektiver Verantwortung - Reporter.lu

Die Regierung hat in der Caritas-Affäre nicht mit offenen Karten gespielt. Damit nimmt sie in Kauf, dass der Skandal in der Bevölkerung noch lange nachwirkt. Denn die fundamentale Frage der Verantwortung bleibt ungeklärt - und zwar auf allen Ebenen. Eine Analyse.

Reporter.lu