Trotz de ville Klimakonferenzen ass d’Welt nach wäit vum 1,5-Grad-Zil ewech. Zu Sharm El Shëikh waren d’Erwaardungen trotzdem grouss. Mee wou sti mer haut an der internationaler Klimapolitik? Dorëms geet et an der neister Episod vun „On the Record“.

Extrem Dréchenten an Iwwerschwemmunge gëtt et elo och bei „eis“ an Europa, huet de Premier a senger Ried op der COP27 betount. Engersäits gi sich d’Länner aus dem globalen Norde bewosst, datt d’Klimakris och fir si grave Konsequenzen huet. Anerersäits wëllen d’Länner, déi scho méi laang mat der Klimakatastroph liewe mussen, datt hier Schied a Verloschter vun den Industrienatiounen entschiedegt ginn. Déi sougenannten „Loss and Damage“ sinn e grousse Sujet op der UN-Klimakonferenz.

Wou steet déi international Klimapolitik aktuell a wat sinn d’Enjeuen? Kann eng COP opgrond vun den extrem ënnerschiddlechen Interessen iwwerhaapt e sënnvollen Accord fannen? Wat bréngt et, datt iwwer 30.000 Participanten un der Konferenz deelgeholl hunn? Iwwer déi an aner Froe schwätzt de Laurent Schmit, Chefredakter adjoint vu Reporter.lu, mam Journalist Pol Reuter, deen sech fir Reporter.lu mat politeschen Themen an domat och dem Klimaschutz beschäftegt.

„On the Record“ ass den Weekly-Podcast vu Reporter.lu iwwer d’Hannergrënn vun der politescher Aktualitéit. Dir fannt de REPORTER-Podcast och op Spotify, do och als Download fir offline ze lauschteren, bei Apple Podcasts, Google Podcasts an op weidere Plattformen.

Méi zum Thema

Energiecharta: Das unerklärliche Zögern des Claude Turmes - Reporter.lu

Ein umstrittener Vertrag, der die Klimaziele bedroht: Lange setzte sich Luxemburgs Energieminister für eine Reform der Energiecharta ein. Nach dem Austritt Frankreichs steht diese aber nun vor dem Aus. Doch die Regierung drückt sich vor einer Entscheidung.

Reporter.lu

On the Record: Klima, Bierger an eng Hesper Affär - Reporter.lu

Wat ass vum Debat an der Chamber iwwer d'Proposen vum Klima-Biergerrot zeréckzebehalen? An wéi ee politeschen Impakt kéint de Prozess iwwer d'Detournement-Affär an der Gemeng Hesper hunn? Dorëms geet et an der neister Episod vun „On the Record“.

Reporter.lu

Analyse zur Klimapolitik: Die vernachlässigte Krise - Reporter.lu

Im Rekordtempo reagierten Regierung und Sozialpartner auf die Energiekrise. Klimaschutz war offenbar keine Priorität. Dabei wird die Zeit zum Handeln immer knapper. Und Luxemburg tut sich ohnehin schwer, eine ambitionierte Klimapolitik konsequent umzusetzen. Eine Analyse. 

Reporter.lu