Ëmmer manner Leit kréien een Immobiliëkredit an entspriechend wéineg Wunnengen an Haiser gi verkaaft. Wéi geet et mat den Zënse weider? Wäerten d’Präisser geschwënn rëm klammen? Dorëms geet et an der neister Episod vum Podcast „On the Record“.

Bei iwwer fënnef Prozent léien d’Zënse fir en Immobiliëkredit no der leschter Hausse vun der Europäescher Zentralbank am Juli. Dat ass eng Situatioun, déi et an de leschte 15 Joer net méi gouf. De Lëtzebuerger Immobiliëmarché muss sech un déi néi Konditiounen upassen.

Kréie mer eng soft Landung hin oder gëtt et eng haart? Dat ass d’Fro, déi sech fir de Pit Scholtes am Kontext vun der Zënspolitik stellt. De Journalist vu Reporter.lu ass skeptesch vis-à-vis vun Zenarien, an deenen d’Zënse séier rëm erofginn. „Souguer wann se zréckginn, da ginn se op zwee bis dräi Prozent, wat jo dann nach ëmmer net déi Finanzéierungskonditioune sinn, déi mir virdrun haten“, erkläert hien. Et bräicht en oppene gesellschaftlechen Debat iwwert déi aktuell Situatioun, deen an der Politik bis elo feele géif.

Déi ganz Episod gëtt et hei ze lauschteren:

„On the Record“ ass de Weekly-Podcast vu Reporter.lu iwwer d’Hannergrënn vun der politescher Aktualitéit. Dir fannt de REPORTER-Podcast och op Spotify, do och als Download fir offline ze lauschteren, bei Apple Podcasts, Google Podcasts an op weidere Plattformen.

Méi zum Thema

Immobilienkredite: In der Überbrückungsfalle - Reporter.lu

Wer ein Haus oder eine Wohnung verkauft, um ein neues Zuhause zu kaufen, braucht eine Zwischenfinanzierung. Diese besonderen Kredite drängen nun Hunderte Haushalte in finanzielle Not. Fünf Betroffene erzählen, wie es dazu kommen konnte – trotz guter Einkommen.

Reporter.lu

Analyse: Zeitenwende auf dem Wohnungsmarkt - Reporter.lu

Die Preise auf dem Immobilienmarkt fallen. Ein Grund zur Freude ist das nicht unbedingt. Denn dadurch droht aus der grassierenden Wohnungsnot eine handfeste Immobilienkrise zu werden. Treffen dürfte sie vor allem finanzschwache Haushalte. Eine Analyse.

Reporter.lu