D’CSV setzt am Walkampf op d’Kompetenz vun hirem Spëtzekandidat Luc Frieden. D’Vergaangenheet vum Ex-Minister kéint an den nächste Méint awer och nach kontrovers diskutéiert ginn. Firwat? Dorëms geet et an der neister Episod vum Podcast „On the Record“.

De Luc Frieden ass erëm do a wëll d’CSV zréck an d’Regierung féieren. Dat och am léifsten an der Roll vum Premier. Fir dohin ze kommen, muss hien awer als éischt emol d’Wale gewannen. Seng politesch Vergaangenheet soll him dobäi hëllefen. Si ass awer net nëmme virdeelhaft fir de CSV-Politiker, seet de Christoph Bumb. „De Luc Frieden ass definitiv ee Politiker, wou et an der Vergaangenheet, mee awer och an der aktueller Programmatik net un Kontroverse mangelt“, sou de Chefredakter vu Reporter.lu am Podcast „On the Record“.

Eng vun de Kontroversen, déi an dem Luc Frieden seng Amtszäit falen, sinn d’ëmstridde Steierrulings, déi duerch d’Luxleaks-Affär bekannt goufen. An do weist sech och, datt de Luc Frieden sech wéineg verännert huet. „De Luc Frieden ass nach ëmmer iwwerzeegt, dass déi Praxis och lo am Réckbléck richteg war“, sou de Christoph Bumb. De CSV-Spëtzekandidat hätt och haut nach ee liberal-konservativt Profil, dat kloer op eng méiglech Koalitioun mat der DP ausgeriicht ass. Do ass awer d’Fro, ob ee vun de momentane Koalitiounspartner wierklech bereet ass mat engem CSV-Politiker zesummenzeschaffen, deen duerch seng sëlleg Affäre mat verantwortlech ass fir d’Grënnung vun der Dräierkoalitioun.

Déi ganz Episod gëtt et hei ze lauschteren:

„On the Record“ ass de Weekly-Podcast vu Reporter.lu iwwer d’Hannergrënn vun der politescher Aktualitéit. Dir fannt de REPORTER-Podcast och op Spotify, do och als Download fir offline ze lauschteren, bei Apple Podcasts, Google Podcasts an op weidere Plattformen.

Méi zum Thema

Luc Frieden im Interview: „Ich lebe nicht im Jahr 2013“ - Reporter.lu

Luc Frieden will als CSV-Spitzenkandidat nach vorne schauen und sich nicht mehr mit seiner Ministerbilanz beschäftigen. Ein Gespräch über politische Verantwortung, kreative Finanzpolitik und warum er sein liberales Programm nicht gerne als liberal bezeichnet.

Reporter.lu

Analyse: Wie Luc Frieden zum Störfaktor werden könnte - Reporter.lu

Luc Frieden ist die große Überraschung im Feld der Spitzenkandidaten. Der Ex-Minister ist für seine politischen Gegner zwar eine dankbare Zielscheibe. Gleichzeitig könnte er der CSV und dem ganzen Wahlkampf eine neue Dynamik einhauchen. Eine Analyse.

Reporter.lu

Analyse zur CSV: Der alternativlose Kandidat - Reporter.lu

Seit zehn Jahren beschäftigt sich die CSV mit sich selbst. Einen passenden Spitzenkandidaten hat sie in der Zeit nicht gefunden. Luc Frieden muss nun aus dem politischen Ruhestand zurückkehren. Die Wahl zeigt, wie tief die Krise der Volkspartei ist. Eine Analyse.

Reporter.lu